Wetter:
Basel
E Hampfele Bängg
Von Alexander Bodmer, Alexander Müller. Aktualisiert am 23.02.2010
Etwas gesehen, etwas geschehen?
Haben Sie etwas Aussergewöhnliches gesehen, fotografiert oder gefilmt? Ist Ihnen etwas bekannt, das die Leserinnen und Leser von baz.ch/Newsnet wissen sollten? Senden Sie uns Ihr Bild, Ihr Video, Ihre Information per MMS an 4488 (CHF 0.70 pro MMS). 
Die Publikation eines exklusiven Leserreporter-Inhalts mit hohem Nachrichtenwert honoriert die Redaktion mit 50 Franken. Mehr...
baz.ch präsentiert eine Auswahl von gelungenen Bängg:
Bankgeheimnis
Dr Milchprys, dä macht d'WTO, d'NATO macht dr Krieg.
Dr Dow Jones dä sait mir, ob ych emol e Ränte grieg.
D'EU, die duet sälbschtgerächt 's Bangg-Ghaimnis ney erfinde -
Und mir Schwyzer bestimme stolz über d'Waldwäg z'Gälterkinde.
(Heiri)
Stapi Morin
Los Babbe, hesch jetzt äntlig emool dää Stapi Morin gfroggt,
Wurum är jede Oobe am Rhy anere Grillstell hoggt?
Bimene Glas Rivella grien sait är mir ganz im gheime:
«Unter so vyyle andere Würscht füül yych mi halt dehaime!»
(PereFyss)
Michael Jackson
E Stücki-Bsuech, das sait dr Schorsch, das isch e gross Erläbnis
E Show so imposant und gross wie em Jackson si Begräbnis
Denn dert gäbs alles kunterbunt vom Fingge bis zum Moscht
Das isch nit Neis sait sini Frau, das gits au bi dr Poscht
(Die Polyvalänte)
Roger Federer
Das wär's – dört uff em Dubaidurm – z oberscht uf em Spitz
e Dänggmool für dr Federer – wiene Göttersitz!
S Problem isch nur dr Wasserdrugg – wo me dört nit het,
wel das Dänggmol mänggmool – b blitzli hüüle wett.
(Die Blauäugige)
Blick
Dr Blick isch laider gröösser worde – schaad us unsrer Sicht
jetzt gumpe dir die Riise-Buuse – wider zmitts ins Gsicht
Vyyl besser hätt me s Glaiformat – in Aerbsligröösi gfasst
denn hätt das neui Blettli grad – zum Lääserhirni basst
(Die Blauäugige)
Schnitzelmuezzin
Inschallah, o salem aleikum.
Hassan, Ali: dali hai kum!
Döner Kebap, Fatima Burka, Tamoilbenzin:
yych statt Schnitzelbänkler dänk glyy Schnitzelmuezzin.
(Stächpalme, Comité-Schnitzelbangg)
Berlusconi
De Marmordom haut s Naasebai
vom Berlusconi glatt entzwai.
Do rieft im Wallis ain: zum Glück ich hab gepackt die Finken,
bevor man mir die Bundeskuppel schlug auf meinen Zinken.
(Stächpalme)
Flughafen
Y has au brobiert am Selfcheck-in Schalter,
s isch gar nit schlächt gange fir my Alter,
kai Brobleem – das wär scho glogge,
y bi denn halt im Frachtruum gflooge.
(Pierrot)
Internet
Gäld verdiene im Internet, isch langsam schwierig worde
mit Aagebot vo Pornos; das probiere ganze Horde.
Bisch e Opfer, duesch di wehre, mechtisch si verklaage.
D'Polizei, dy Frind und Hälfer, het's längschtens abeglaade.
(Rotznaase)
Minarett
E Bauwärk wie e Pyramide kasch bim Joggeli g'seh.
E glych's am Bach will d'Roche no baue; denn hänn mir no ains meh.
D'Mumie findsch in der Regierig. I mach' jedi Wett.
De glaubsch mir sige glatt am Nil; 's fählt nur no's Minarett.
(Rotznaase)
Al Jazeera
al-Jazeera brichte ganz versteert
«In Basel toll – ha dr Arabi gheert»
Si mälde druff halb duredrillt
Au d Männer sin do ganz verhillt
(Alperöösli)
Liebi Lytli, ich mach's das Joor kurz und knapp,
bitte sind uffmerksam und lääsed mir vo de Lippe ab.
Und dass i net eso mues schreye – kemmed e bitz do fyyre,
denn i glaub d'Al Jazeera hoggt vor dr Dyyre.
(Schnapsbagge)
BaZ
Zem suffe dinn isch d BaZ jetz, broscht
us digger Boscht wird Maagerkoscht
zem Gligg bruusch glyych no zwai, drei Stunde
denn hesch au dr Sportdail gfunde
(Alperöösli)
Burka
Das isch my Frau vor vyyle Joor,
mit scheene, lange blonde Hoor.
E baar Joor speeter het die Pfunzle,
graui Hoor und diefi Runzle.
Das isch nit scheen, han ych mir dänggt
und iire grad e Burka gschänggt.
(Staubwolgge)
Basler Politik
S ganz Roothuus isch dunggel – y froog mi wieso?
My Frind klärt mi uff, die wänn spaare esoo:
D'Liechschalter die het me komplett demontiert
Und nur no Bewegigsmälder installiert.
(Luuszäpfe)
D'Stadtbildkommission findet, ych grieg e Wuet
Die Rettigsringkäschte, die gseet me vyl z'guet.
Mir finde, die spinne komplett, dä ganz Huffe
Sott me stadtbildkonform im Rhy lo versuffe!
(Luuszäpfe)
Polanski
Im Blick uff Syte 1 juhee
Kasch wider blutti Fraue gsee
Dr Polanski aber losst das kalt
Die Fraue deert die sin em z'alt
(Tourischte 1994)
(baz.ch/Newsnet)
Erstellt: 23.02.2010, 15:39 Uhr